【媽媽愛美麗】如何長胎不長胖？

喺以前我哋媽媽果個年代，有唔少人知道自己懷孕後，就食足2人嘅份量，認為咁先可以「吸取足夠營養」，所以生完B之後，肥咗30磅絕對係等閒事。

而家世代唔同，唔少準媽媽都希望BB營養好之餘，自己又唔會搞到肥肉橫生。

要做到長胎唔長肉，就要記住1,3,5 呢組數字啦。孕期頭3個月只需額外100卡, 即係一杯低脂奶已經夠。中期係300卡，後期就係500卡。

食材方面要選擇優質蛋白質，例如瘦肉，幫BB長肉同長骨頭。煮食要落少啲油，避免煎炸等煮食方法。澱粉質夠就好，食得太多飯麵同包，BB同媽媽就會齊齊肥。

同時都要記住做下運動。大動作既當然就唔得。每日行夠1小時就滿分啦。