【媽媽有感】我們曾經都瘦過
面書大神時不時都會彈出當年今日的陳年舊照，每當彈出田媽與姊妹們未嫁時的舊相，我們都不禁慨嘆：「原來我地都曾經瘦過！」
生左小朋友之後，全職媽媽就為家事同湊仔忙，worming mum就一人打兩份工，我們都同自己講過好多次：成隻豬咁，要減下肥喇！
但係每當小朋友瞓左覺，就有堆家務要處理，直到深夜時分已經累到只想敞在梳化上，上下網、睇下oopa、有時甚至會食個宵夜，俾自己放鬆一下，減肥一事已經拋諸腦後了
有朋友會問：「咁你放低個仔俾人湊，自己去做下運動咪得囉？」田媽當然有諗過啦，唔係唔得，只係當要犧牲寶貴的親子時光、或者要勞師動眾搵人湊仔，而目的只係為左自己變靚D，田媽就會覺得肥少少都冇所謂啦。有些媽媽亦可能因為餵緊人奶，而不能減肥，所以麒麟臂、士啤呔長期跟身，也覺得無所謂了
聽過無數次：女人唔可以懶！其實未必個個女人都係天生貪靚。田媽20歲前除了校服裙，係冇其他裙，而且仲會素顏出行
其實，我們不是懶，是覺得陪伴小朋友比我們的外表更重要。當一個有女漢子因子的媽媽，再加上偉大的母愛，大家都變成佛系媽媽：或者緣份到了，就自然會瘦啦！
田媽玩樂誌專頁：
Instagram: justinmamablog
