【搭配2019】日系媽媽為你揀！嚴選必入GU及UNIQLO搭配時裝

有好多人話做咗媽媽之後就無晒時間扮靚，一諗到買新衫又要揀，又要襯，就寧願著返舊嗰套，志在唔使諗呀嘛！而且就算有多餘錢都寧願花喺小朋友身上，仲點捨得買新衫，不過講到方便好襯又唔貴嘅時裝，其實都有好多選擇！

今次要推介呢位日系媽媽Tera（IG：@terawear）已經係兩女之母，主攻GU及UNIQLO時裝，價錢相宜，仲襯埋比你睇，趁住轉季，依家就嚟為衣櫃換裝啦！

【相關文章】【搭配2019】星級潮爸潮媽服裝搭配 陪大王開學點可以失禮
【相關文章】【夏日親子】純色搭配、沙灘元素 必學5款至潮親子穿搭

花紋褲

淨色襯衣搭配花紋長褲可以突顯整個造型重點，簡易襯托出個人特色。

紋路上衣

若嫌淨色tee過於平淡，但圖案太多又令搭配統一性下降，可以選擇紋路上衣，令整個造型更顯心思。

闊筒褲

GU及UNIQLO推出多款闊筒褲供潮媽媽選擇，不過在選擇時，宜先試穿再決定入手剪裁系列。

休閒褲

除闊筒褲外，GU及UNIQLO同時推出多款休閒褲，種類以麻質為主，適合夏季穿搭，有別闊筒褲，休閒褲一般剪裁較褲，更容易配合不同身型的潮媽媽。