暑期商場好去處 -太空史諾比展覽

暑假開始後，各大商場都舉辦可供小朋友玩樂的展覽、遊戲活動。

上星期，我就帶囝囝囡囡去九龍塘的《史諾比 x 又一城·星空漫遊》展覽。雖然我唔係 Snoopy 粉絲，但見到場內 3米高的巨型 Snoopy公仔，同埋鮮豔的顏色，真係好搶眼呢！

小朋友當然鍾意動手玩多過睇，所以囝囝囡囡一見到「星球互動遊戲」，就衝過去喇。呢個遊戲係透過 iPad，控制「小星球」移動，星球滾來滾去，好似玩遙控車

而我呢，就喜歡慢慢欣賞展品。展覽中，展出多年來 Snoopy 太空系列的收藏品，例如公仔、手錶、襟

呢個，都係1969年香港出的公仔，Snoopy 個樣好唔同呀，眼大大，好天真的樣子，50年前的 Snoopy 年輕了好多啊。

而呢個，唔知大家有冇印象呢？我就記得曾經見過，係麥當奴2000年出的公仔。

睇完展品，玩完遊戲，繼續周圍影相打卡。Snoopy 太空探索車，「阿波羅」太空船，仲有好多 Snoopy 同 Woodstock 太空造型的佈置，影出來都好靚呢。

講了咁耐，知唔知點解 Snoopy 會有太空人造型？

真係唔講唔知，原來當年美國太空人登陸月球，Snoopy 及 Charlie Brown (Snoopy 的主人) 的幻想冒險精神，與登月夢想非常符合。其作家被太空總署邀請參與活動，「阿波羅10號」指揮艙便命名為「Charlie Brown」，而登月艙就名為「Snoopy」。

自此 Snoopy 就成為登月計劃代表，原來係咁威水呢！今年就係是登月50周年，所以又一城就特意設計呢個展覽。

玩、睇、影，又點會少得買。同層有 Pop Up Store，玩具、家品、飾物等等都有。身為媽咪的我，特別推介文具背囊，正好為小朋友添置新文具及用品上學。 如果有養小狗小貓的話，我覺得有兩款寵物外出袋，都好可愛。

呢度仲有個 DIY Tee corner，製作獨一無二的 T裇。

趁展期仲有十幾日，不妨同小朋友去參觀一下，影下靚相啦。

展覽期：即日起 至 8月18日
時間：
星期一至五 11am~10pm
星期六日 10am~10pm
地點：又一城 LG2