【暑假好去處】親子甜品班 x 水戰 x 滑水梯 x 碰碰船 x 自助餐 | 留港避暑

今次係我哋第二次來訪天水圍嘉湖海逸酒店，有咩原因驅使我今年再嚟呢到玩?

就係趁住暑假，而唔打算離港旅行。

喺香港到住酒店，酒店仲有一連串親子活動，都可以消磨到一個小假日，而重點係價錢好划算。

只需$1,030起 ( 預訂：https://bit.ly/2JhFk35 ) 就可以一家三口入住一晚天水圍嘉湖海逸酒店，而呢個酒店套餐仲包含第二日嘅國際美食自助早餐，仲送一隻可愛動物公仔 (每位小童可獲一個)、仲有戶外水上遊戲、繽紛鮮果撻製作班、亦可以免費使用室外游泳池、健身室、蒸氣浴、桑拿浴、小朋友天地及戶外遊樂場。

去到酒店馬上Check in上房擺低行李，就可以去上繽紛鮮果撻製作班。

^ 酒店大堂，空間好寬敞

酒店房間好舒服，好開揚，房內有一張大床及一張梳化床。

^  房間內嘅餐台位置

^ 酒店茶水間，有微波爐設備

^ 酒店衛浴，有個大浴缸

^ 酒店房間望出嘅景色都好舒服

^ 和牛B超鍾意呢到，話好舒服。

繽紛鮮果撻製作班

放低行李後，馬上去酒店3樓參與繽紛鮮果撻製作班。

平時和牛B都好鍾意同我一齊整甜品，不過鮮果撻我哋就真係未試過整了。

著好圍裙戴好廚師帽，洗乾淨雙手就可以馬上準備開始啦。

^ 今次大部分工序，都係和牛B自己做，放手俾佢做，其實佢係做到o架。

跟住姐姐嘅教導，整個過程大概1小時就成功完成鮮果撻了。

^ 和牛B仲邊整邊偷食，真係超為食呀~

整完果撻，返到酒店房休息一陣同埋換返套泳衣帶埋遊戲券，去戶外水上遊戲區玩啦~

場內總共有5個上水活動，適合唔同年紀嘅大小朋友玩。而每個遊戲區，都設有限時玩及人流限制。

水槍戰區

呢個區嘅池水都算淺，適合幼兒嬉水。池入面仲有鴨仔、鱷魚浮床添呢~

^ 酒店提供嘅水槍，有大大小小唔同款式。

適合3-12歲兒童，每節遊戲時間為15分鐘。

碰碰船

和牛B一嚟到就點名話要玩船仔，每艘船仔只可載一個小朋友。

適合3-12歲兒童，每節遊戲時間為10分鐘

水上滾輪

好似輕功水上飄嘅水上遊戲，小朋友玩得超開心呀~

如果小朋友未掌握到點樣玩，1位家長仲可以入水池協助小朋友進行遊戲。

適合3-12歲兒童，每節遊戲時間為8分鐘。

細水池滑梯

鍾意玩刺激滑水梯嘅小朋友一定要玩呀~~不過池水都有少少深，建議家長要多留意小朋友哦。

身高100厘米以下小童進入，每節遊戲時間為10分鐘。

大水池滑梯

呢個比起細水池滑梯更刺激，水更加深呀~~

適合3-12歲兒童，身高為100厘米以上。每節遊戲時間為10分鐘。

而酒店嘅服務亦超貼心，場內都擺放咗好多乾淨毛巾供抹身之用，讓我可以兩手揈揈咁落嚟玩水。

玩完水，沖完涼休息一陣，又係時候準備食晚餐了。

夜間自助晚餐主題係「環球美饌」，食物款式超多，食物質素都不錯。

超多新鮮長腳蟹、生蠔、龍蝦、蝦等，不停encore!!

壽司刺身當然唔少得。

沙律頭盤款式選擇都好多。

熟食種類亦都有好多，

甜品款式都超多，雪糕仲有Movenpick及Dreyer's選擇。

^ 小小甜品控和牛B

今餐我都不經不覺，食咗超多嘢。

^ 不停Encore嘅長腳蟹

^ 酥皮海蝦焗帶子，正呀!! Encore咗幾次~

^ 超香羊架仲有鵝肝

食完飯就返房休息了，第二日再享用酒店套餐嘅自助早餐。

早餐相對比夜晚嘅選擇較少，有中式、西式選擇。

食飽休息一陣，我哋就帶咗和牛B去享用免費嘅「小朋友天地」設施。

即係酒店入面嘅Playhouse，Playhouse最近剛剛裝修過，空間比起之前大咗一半有多。

入面有動有靜嘅遊戲，適合幼兒及12歲以下兒童玩樂。

^ 公園遊樂設施，滑梯組

^ 靜態玩具 – 積木

^ 波波池區

^ 蟲蟲爬行遊戲

遊戲室仲設有定時清潔時段，去玩之前記得預先問清楚酒店職員開放時間哦。

【早鳥優惠】

2019年7月10日前預訂，仲有85折優惠 (馬上預訂：https://bit.ly/2JhFk35)，電話查詢: 2180 6688。

--------------------------------------------------
Facebook專頁: 和牛B嘅成長專頁

Instagram: wagyubmami