《為你健康孩子驕傲》上

一直我都覺得好幸運既係John仔身體都算唔錯，番學後最擔心細菌勁會經常病都無發生過，兩歲後亦無發燒感冒。小朋友身體健康已經煩少好多。身體朋友既小朋友每位都試過入醫院住。所以John健健康康我都覺算自豪既事湊得佢唔錯。

但到生細佬Jake後終於感受到小朋友入院既父母身心俱疲。Jake 係（新生嬰兒/兒童ICU）既兩星期我感受好深，自己身體生完又未身體復原亦無坐好月。

其實Jake入院唔係有健康問題，只係想帶佢檢查下點解出世都20日肚仔仲咁大咁脹，眼仔又多分泌。所以就帶佢去急症室睇下，點知一睇就要入院檢查觀察，結果一入就兩星期。

Jake出世得20日仲係初生嬰兒，所以住既房係兒童ICU同一個區。而Jake係足月嬰兒，相對早產嬰兒大隻好多又重得快喊得大聲，食奶更加係食完唔夠飽肚要再扭食，所以成日喊好可憐。護士同助護都叫佢肥仔。。。媽媽表現無奈，自己小朋友比人係咁叫肥仔。

每日我要一早起身送John仔番學後就趕去醫院泵奶比Jake。因為ICU病房比較嚴謹。只可父母先入得病房，而母乳要新鮮泵出或者冰奶先會接受。所以我每日同幾位媽媽一齊泵奶傾計，聽佢地講番自己小朋友點解入院，醫生講番今日情況點。

當中有兩位媽媽係醫院既時期比較長。

A媽媽既小朋友係早產嬰兒一直係醫院住左半年，小朋友內臟發炎脹到要割開肚打開唔可以縫合，長期貼住結腸造口黎排便。本身有份高薪厚職都要辭職唔做，決定全職照顧小朋友。

而B媽媽係澳門個邊住，特登帶BB黎香港做手術。泵奶時B媽媽話：BB今日無咩反應，可能打左嗎啡high high地，哈哈。

其實聽完我個心都好唔舒服。雖然媽媽們講出黎好輕描淡寫，但事實上自己都感受緊無坐月要日日趕黎醫院泵奶餵自己小朋友。佢地亦都一樣無坐月，仲要BB一出世就要係醫院渡過，BB唔知邊時邊刻會發生咩大問題亦會有生命危險。佢地既心理壓力亦好大好疲累。

所以小朋友健康無價。下一篇會講下A媽媽辛酸事，醫生亦建議飲母乳原因。