深圳福田美食 - 西貝莜面村
呢間餐廳好多 you tubers 都有介紹，好多人都唔識讀個名「莜」
好食所以連續嚟咗兩次（中心城及Cocopark）。
餐廳主打內蒙古菜色，價錢比較高。第一次5大1細都食咗¥6XX、第二次4大人都食咗¥5XX。對比其他國內餐廳平均都係4大人共消費大約¥3XX。
兩間地點都係開放式廚房，食客放心。
西貝麵筋 - 冷盆粗麵條配上微酸汁、豆腐卜片。非常清新開胃菜。
第二次同朋友係 CocoPark 再食麵筋，忘記朋友係唔食香菜，上枱後就夾起香菜時，服務員立即過來說"幫你們換一碟無香菜吧"。非常體貼。
酥皮肉夾模 - 脆脆餅皮配肉碎、唔辣。餐廳會一分二方便sharing～小朋友
西紅柿澆汁麵 - 似蕃茄汁通粉
牛棒骨
餐廳主打名菜，牛大骨。牛骨位有多個選擇，價錢都唔一樣，每斤計。牛棒骨（每斤¥39) ，勁正。碟下係一個小爐，一路食一路慢煮牛肉汁。第二次去Cocopark 想再食牛棒骨但多個牛骨位置都已經賣晒（平日12：30進食）。只得牛米龍骨（每斤¥69) 每舊骨最少都3斤所以都唔平 。
牛米龍骨
烤羊串、燒羊棒都好味道，配啤酒勁一流。但燒羊腰就唔係個個都接受。
羊雜燴糧食粉條 ¥49 - 第一次食羊雜，大家都喜歡
