《大自然主題樂園 - The Big Things》

今日率先試玩位於荃灣南豐紗廠以芬蘭大自然主題的室內遊樂場，將於2019年5月4日開始有得玩喇！

The Big Things 的特別之處是用大自然的元素，將火山、沼澤、各種稀有動物及昆蟲等大自然特色完美融入各遊玩設施，入到去已經好有去咗森林嘅感覺。

場內最吸晴就係巨型動物擺設，打卡一流，而今次波仔最愛玩的是 #賽車競技場，此終男仔最愛車，木頭車需要自己安裝的，可訓練他們的創意及專注度。波仔經媽咪協助下完成自己的戰車後，便爬上高一層，將車放在架空賽道，笑到哈哈聲。

另外包包就玩到癲咗，入嚟1小時，爆汗換咗3件衫！絕對是放電好去處！至於今次包包最愛邊個遊樂設施，就係 #火山群島！設計像火山一樣，包包需要好像攀石咁，踏上正確位置攀上，當爬上火山口便可抱住大塊石一同滑下來！

而我最欣賞場內設有適合不同年齡的遊樂設施，小積木和較短的滑梯都適合波仔年齡

The Big Things
地點：南豐紗廠
地址：荃灣白田壩街45號
星期一至五 $140（包一大一細）
星期六、日及公眾假期 $190（包一大一細）
每節時間為1小時