【助產士親解】請不要day1就覺得自己冇奶!

媽媽們！！比d信心！！
我明白餵人奶真係充滿不確定性！又唔知bb食唔食到
又唔知自己有冇奶
又唔知bb夠唔夠飽
傷口又痛
仲要擔心bb
心理壓力真係好大

現世代既媽媽好多都知道人奶既好處
亦都好想將最好既天然食物比哂bb
但係，望住自己軟爬爬既波波
望住唔知飽唔飽既bb,
加上佢不斷喊
再加上有報導講過外國有媽媽因爲堅持餵人奶而最後bb脫水恐亡
呢d種種都不斷擴大緊媽媽既心理陰影面積

媽媽，深呼吸！冷靜落黎
你既波波，由懷孕中期已經開始製造初乳架喇
你試下用手渣落去
渣得岩位既話，會見到淺黃色透明既「初乳」流出黎
一點點咁，果d就係初乳喇～
有時渣唔出，唔代表你冇奶
Bb用正確方法埋身啜，都會出到奶架
仲會愈啜愈通添

其實，各位媽媽你地係做得到架
唔好因爲「無法量化既奶」而沮喪！
好多時候你地需要既都只係一聲鼓勵、一個識得教餵人奶既姑娘幫你執整姿勢，同埋最重要最重要既元素
--「你既心態」

一直懷疑自己，同自己講
「我唔得架」
「我冇奶架」
「我餵唔飽bb架」
只會對自己仲造成壓力

睇完呢篇文，試下同自己講
「我一定做到架」
「我既奶奶對bb黎講最有營養」
「bb痾到足夠屎尿即係我餵得好好喇yeah」
「bb埋身啜奶個樣好滿足好得意，我要繼續比最好既野佢」
而去代替你對自己既懷疑！
加油呀媽媽～～

尤其黎緊生bb既媽媽
去到產後房，姑娘抱bb比你餵既時候
第一句唔好講「我都未有奶」
而要講「bb我地開餐喇」

祝各位媽媽都好似我今日遇到果位媽媽一樣，即使bb唔係身邊，第一次學渣奶就渣到20ml初乳出黎！
而呢位媽媽同我講既第一句說話都係「我覺得自己冇奶」
執媽話你知！靠努力學習正確餵奶方法，你都一樣做！得！到！