【助產士教路】唔谷奶=冇奶？！媽媽都天生具備「餵飽bb」的能力

每日都有媽媽同我講：「姑娘，我冇谷奶呀，唔餵bb住喇」
「執媽，我冇谷奶呀，bb唔可以一直餓落去架，我想補奶粉」到底，「谷奶」呢個感覺係唔係真係咁重要呢？

呢杯人奶，係我朋友生完第六日，
一直都覺得冇谷奶既情況之下，
我教佢手渣出黎架～～～～

我地好多時可能都比感覺蒙蔽左
覺得谷奶先叫做有奶
覺得個乳房好重好脹bb先至食得飽
但原來乳腺已經係神不知鬼不覺既情況之下儲起左好多「甘露」比bb架喇

手渣可能只係見到兩滴
但bb埋身食或者姑娘幫你手渣
得出黎既奶絕對絕對會比你想像中多好多
如果可能比bb埋身用正確姿勢吸啜
食到既份量更加超乎你想像

都係果句，餵人奶係好抽象
永遠只可以估佢食到幾多、食得夠唔夠飽
唔可以好似餵奶粉咁控制住佢食幾多安
對於追求實質數據同證據既香港人黎講
要放低呢個一貫認知真係好難
每個媽媽都天生具備「餵飽bb」既能力
唔好懷疑自己！激發你既潛能
大家一齊努力喇

Share比你身邊既新手媽媽
因為頭一個月對自己係最冇信心最充滿疑惑架
如果各位媽媽有問題隨時歡迎搵我

#谷奶
#石頭胸
#冇谷胸感覺
#其實你好多奶架