佗第一胎同第二胎分別

之前講開生第一胎同第二胎既分別

再講下佗既時候已經好大分別

佗第一胎同第二胎分別

佗第一胎時每樣都好緊張。每次食咩飲咩都會上網搵一大堆資料睇下食唔食得先食放入口。行步路都就住黎行得好慢。去廁所又好驚會痾左出黎。

佗第一胎John仔時我好乖好禁口。一粒糖一粒朱古力薯條薯片都唔敢食。海鮮蝦蟹亦無食過。牛肉就係胃口問題食唔到陣味。同埋唔多想食野，到好後期先有番胃口。

佗第二胎因為有左經驗會放鬆左好多。每日湊住John仔番學放學，行路都唔會就住黎行，樣樣都要快手快腳先得。

以前唔敢食既野都食少少。今次過左頭三個月懷孕唔舒服反應後，我都嘗試多咗好多食物。有試過食蝦食牛。因為佗第一胎怕食濕毒野生出黎皮膚唔好有濕疹，但食得咁清John仔都有濕疹。所以今胎豁出去咩都試少少。好彩細佬皮膚都滑溜。

第一胎跟書養，第二胎當豬養。因為有左經驗囉。