【母乳媽個案分享】 產後尿道炎驚魂：慎選醫生和藥物！

最近朋友添丁
餵人奶方面遇到小小問題

就係朋友好不幸地出左院返到屋企先出現尿道炎！
遇著星期六日，婦產科醫生冇開門
睇左普通醫生

係朋友<有講到餵人奶既情況之下>
果個普通科醫生開左隻!!!!!餵人奶唔食得既藥比佢!!!!

明明尿道炎只係咁普遍咁普遍既一種產後常見情況
明明有咁多隻藥可以簡
點解一定要簡隻餵母乳唔食得既藥？
點解?!?!?!?!?!!!!!我只可以話有d醫生仍然唔係好鼓勵breastfeeding!!!!!!

點解我咁激動？
因為我朋友好夠奶！
冇乜補過冇乜埋身既情況下每次泵奶都有成70-80ml

望住果3大支唔飲得既奶
佢只可以拎去比bb沖涼
心都赤埋呀大佬！！

但作為一個普通市民，
點會諗到要懷疑醫生呀？！
點會估到醫生開隻藥對d奶咁大影響呀
唉。。。

好彩朋友奶量充足
唯有之後慢慢再追奶同食返清積係乳房既奶喇

#題外話

係呀產後尿道炎好普遍架咋
生產期間有機會因爲b頭長時間壓迫住膀胱&尿道

令到膀胱一時間敏感度不足

搞到儲左好大泡尿都感覺唔到
積尿太耐會增加尿道炎既機會
加上生產時膀胱太大會影響b頭向下生產、
影響子宮收縮造成產後大出血、
影響胎盤延遲分離
所以姑娘有機會幫你用尿喉放尿
亦都會增加左感染機會
但係當然有需要先做喇，唔會無端
端走去插你尿喉既

#其實我係想講有本人奶用藥天書的
#公開的資料
#開藥時小心唔好令人suffer
#預防尿道炎
#做好個人衛生
#勤換衛生巾
#但其實做足一百分都有機會中架
#公平咩？