【懷孕分享】QE產檢預約方法

唯媽是一名80後在職媽媽，讀書時期修讀英國文學，現為半個文字工作者，每日不停閱讀，不停寫；最希望以語文教育和感染唯B，做個不只知識，更加知情知性的人。

同上胎一樣，我打算喺QE生bb，所以一知道有咗唯妹，就即時去家庭醫生度驗孕同拎懷孕證明。

現時有3個方法可以向公營醫院登記產檢：

第一：「預約通」應用程式

呢個方法最方便，download個app就得喇！

登記前要確保自己準備好

準備好就可以開始登記喇，登記完等大約一星期，就有職員打俾我同我約期喇（等候時間不等，我聽過有媽媽等咗兩星期）。

第二：親身去醫院

如果住喺附近就當然可以親身去啦，記得要帶齊身份證、醫生出嘅懷孕證明同地址證明！

呢個方法最大嘅優點係可以即時約期，好人啲嘅職員仲肯盡量幫你睇吓有冇星期六嘅期添，方便在職媽媽（不過佢哋通常會話只此一次下不為例）。

第三：Fax去醫院

將身份證副本、醫生出嘅懷孕證明及地址證明

Fax去醫院產科，寫明係作登記產檢之用，記得之後補返個電話問吓收唔收到，職員稍後就會同你約期㗎喇！呢個方法我未試過，不過有媽媽話都好快有人打嚟約期。

下次再同大家分享產檢經歷：）