小朋友咳咳咳 ♥【100%天然藥水】
天氣忽冷忽熱 又到流感高峰期 日日都見到有小朋友因流感入院既消息
做家長都咪話唔驚 二寶家庭最明白一屋細菌既威力
包包自從番左學 最容易同同學仔交叉感染 番到屋企咳同流鼻水就更易傳俾細佬B
有見及時 真係時時刻刻都要為小朋友打好個底 增強抵抗力
小朋友作病 睇醫生食西藥係可以舒緩病情 加快好番 不過就會減弱左佢地既免疫系統
有見及止 如病情係輕微既傷風咳 可以試下以下天然藥水 絕無添加配方
大人小朋友一齊飲可增強抵抗力
天然藥水 NO.1 蘋果洋蔥水
材料: 美國蛇果1個
紫洋蔥半個
(紫洋蔥含豐富的蛋白質、膳食纖維，鈣、鉀、鈉等礦物質含量亦高。
還含有花青素 是一種抗氧化能力較強的植物化學物質 能保護人體免受自由基的損傷
亦能增強血管彈性 改善循環系統和增加皮膚的光滑度 抑制炎症和過敏 改善關節的柔韌性)
簡易煮法:
Step 1: 先將蘋果洗淨 連皮去核切件
Step 2: 紫洋蔥去皮切條
Step 3: 隔水燉15-20分鐘
便可燉出一啖蘋果紫洋蔥水 淡淡的粉紅色 清純無添加
包包飲後感: 味道清甜 但飲完口腔及呼吸都會有陣陣洋蔥味
天然藥水 NO.2 鱷魚肉煲海底椰 (2-3人)
材料: 鱷魚肉乾數片 海底椰一包
陳皮兩片 豬展肉
淮山3-4片 南北杏
美國無花果乾4-5粒
簡易煮法:
Step 1: 鱷魚肉乾洗淨及用水浸泡15分鐘
Step 2: 將豬展洗淨及汆水
Step 3: 把所有材料放入再加1L熱水
Step 4: 大火煲滾 轉中火煲1.5小時 *小朋友咳嗽不宜飲老火湯
包包飲後感: 向來鐘意飲湯既包包大啖大啖飲 連湯渣都食埋
天然咳水 NO.3 燉橙
材料: 橙1個
盬少量 (消炎作用)
簡易煮法:
Step 1: 先將橙洗淨 切開橙頂
Step 2: 十字界開橙肉
Step 3: 於頂部落少許盬 放回橙蓋 再用竹籤固定
Step 4: 煲內注水 隔水燉15-20分鐘
Step 5: 把橙肉連橙汁取出
包包食後感: 好似飲熱橙汁咁
米高媽媽試食過 味道類似鹹甘吉 容易被小朋友接受
天然咳水 NO.4 川貝果皮水
材料: 川貝果皮
簡易煮法: 先將果皮洗淨去表面灰塵 大滾水放入保溫壺焗水
細佬B之前氣管敏感 咳足一個月 睇西醫好番又再被家姐傳染
結果婆婆整左哩款自家製天然咳水 每日一次 初服時夜咳先開始減退
漸服後連日咳也漸漸消失了
另外也需注意日常飲食 穿搭 及個人家居衛生
小朋友作病/咳嗽時 需飲暖水及不要進食寒涼蔬菜及生果 當然甜的東西絕不可吃
至於日常穿搭 可配戴圍巾以保護喉嚨
仲要記得勤洗手 及保持家中空氣流通
平時多做運動 早睡早起 增強抵抗力
以上天然療法只供參考 病向淺中醫
