昕昕30小時澳門遊記

在剛過去的聖誕假期老公出錢請兩大長老去澳門，我和昕昕第一次跟兩大長老旅行，我地只係逗留澳門三十個鐘左右，第一日在中港城上1330開的船。

今次我們入住在澳門氹仔的麗景灣酒店。去到氹仔的朋友肯定會去官也街，因為呢個係氹仔的地標。以下分別係鉅記和咀香園的特色。

黃昏時我地坐酒店旅遊巴去新八佰伴附近步行到沙利文餐廳晚餐。

之後我地行到澳門郵政總局附近的地方影燈飾，順便去鉅記試食杏仁餅。

民政總署裡面影相都幾好睇。

八佰伴外有BIG HERO 6的佈置。

裡面好多層都有熊貓。

第二日坐酒店旅遊巴去新八佰伴附近步行到郵政總局買郵票寄名信片返香港。

如果係集郵的朋友就要試吓入去幫襯郵資標籤機，以前香港郵政總局都有一部，在2007至2008年我進修課程落堂後就好喜歡入一蚊印10張郵資標籤，依家澳門最少要一蚊一張。

我地去埋天主教堂參觀。

行多一陣就到大三巴影相。

我地苦等到12點，終於等到Hello Kitty手信店開門啦。

裡面的產品種類有不少，意想不到係內地遊客係拎住張手寫清單去。

買咗曲奇餅俾屋企人做手信。

之後我地行返去新八佰伴附近等免費接駁巴士去澳門銀河行下，大家記住呢個路位。澳門好多娛樂區都有免費接駁巴士到碼頭和其他地方。

我地去咗美食坊午餐。其實價錢唔算平，如果想有免費WI-FI和美食坊的飲食折扣就要申請成為澳門星河的會員，費用全免。

在時間最緊迫的情況下我要求老公帶我地去威尼斯人一次。

沒想到昕昕去到時已經睡著了，希望將來她再有機會到此一遊。

今次去澳門之旅跟2009年的三日兩夜之旅比較真係感覺不同，之前那次老公帶我行咗好多地方，有上纜車、去媽閣廟和黑沙灣，逗留威尼斯人晚餐和閒逛，但今次感覺似平時行街咁，唯一感到開心係帶昕昕去一個她未去過的地方，相信佢長大後都未必記得。