《90後媽媽第一次帶半歲BB出走-台北體驗篇》

其實好多媽媽由生完之後都唔知幾耐無出走過，想出走又唔知點走好，仲要帶埋bb又驚辛苦?真系好多顧慮架!

既然驚哩樣驚果樣，不如短短地黎個3日2夜台北試下先啦⋯⋯

點解我第一次帶bb去旅行會揀台灣呢？

1.主要原因都系因為搭飛機時間短 (個半鐘就到)

就算系飛機喊或扭計都系一個半鐘內既事。

2.台北氣溫同香港差唔多，唔會怕bb適應唔到天氣。

3.就算touchwood有咩意外，飛返香港都可以好快返到。

略略講左執行李先..

衣物 - 4套衫+6塊口水肩+訓覺衫我會帶連身包腳，我好驚bb系酒店開大啲冷氣訓覺會凍親所以選擇連身包腳訓覺衫。 (衣物數量因人而異)

尿片帶左大概半包(廿幾塊)，一罐奶粉(如果奶粉開左既話,記得痴膠紙確保唔會倒瀉先好放入行李箱啊!!)，帶bb去旅行所有野都預多少少。*好怕bb嚇親/水土不服，所以我帶左兩支屋企煲過既水放系行李箱同埋保嬰丹。去到當地開奶我會兩地既水溝埋一齊開奶，令bb漸漸適應。

我系hkairline book左最前排座位諗住抱住
油油bb可以坐得舒服啲，但係個人感覺覺得如果你地既bb唔識行唔識企既話,坐番正常位已經
ok!

1. 手袋唔可以放係前面，起機落機個袋要放上上面，搞到拎野會好唔方便(普通位係可以將手袋放在腳前櫈底)

2. 飛機餐根本無位食，又抱住個bb,張用餐枱比起普通位既用餐枱仲要再細少少。您根本唔會有位食到野。

3. 只系個座位闊落左，其他都好唔方便。
所以下次都系揀返普通位置:)
不過airline好貼心，會睇番bb年紀幾大去比適合既食物bb♥


（以上係我第一次帶bb搭飛機既感覺同經驗)

酒店： 我住既系溫泉酒店，想方便啲留系房都可以舒緩一下疲勞，所以我揀左系房都有得浸溫泉既溫泉酒店。咁就方便哂啦！唔洗行上行落又可以隨時浸。

媽呀～終於都可以嘆一陣喇!!!!!!!

大肚既時候唔可以浸溫泉，個肚又大又辛苦。到生完足足有半年無休息過，仲唔比我浸番夠本舒緩疲勞!~~~~

記得book酒店既時候同當地酒店講你會帶埋bb去啊～最重要系叫佢地預備bb床同埋浴盆呀！因為唔系間間酒店都會提供比你地架～

整個三日兩夜台北之短程旅行，行下食下浸下，感覺都好好。

油油bb無乜點扭計，無水土不服，無嚇親，雖然因為短程所以媽媽無帶bb車，但係都唔算太辛酸唔太累。油油都表示興奮同開心，睇佢四萬咁口就知啦！哈哈！

如果大家想同bb試下去旅行，可以選擇哩個地方作體驗啊!!