【親子遊】粉嶺摘士多啤梨 免費餵山羊

之前日去完新界西(按此閱讀)，米仔話尐士多啤梨唔夠食喎，咁一於再去摘，唔知新界東同新界西尐士多啤梨會唔會唔同味呢？

今日我哋山長水遠嚟到粉嶺呢個農莊，叫做香港果蔬有機農莊，一睇個招牌就知道佢係有士多啤梨啦！

嘩，呢度好大呀！

說時遲那時快，快尐摘多幾粒士多啤梨先！

雖然呢度尐士多啤梨無新界西嗰尐咁大粒，不過一樣好紅同好甜，十分好味！影完張相，尐士多啤梨已經畀米仔食咗一半。不過米仔好乖，食完個膠盒無掉進垃圾桶，而係洗返乾淨畀返姨姨循環再用！

其實呢度除咗士多啤梨之外，仲有好多有機蔬菜和瓜果，又大又靚。

喺田嘅另一邊，仲有好幾隻自己周圍行嘅羊仔，好精伶咁周圍揾嘢食，叔叔話喺度餵羊仔係唔洗收錢架。

仲有玩具玩。「喂，你話今期我哋種咩好？」

玩咗咁耐已經好肚餓，不過呢度無提供餐飲，只可自備食物野餐，所以我哋一行人要搭車返出上水食飯。

地址：粉嶺打鼓嶺李屋新村坪輋泥路

交通：1. 粉嶺站(東鐵) C出口轉52K專線 (坪輋)於總站落車
2. 上水站(東鐵) A4出口轉79K巴士(打鼓嶺 )李屋村站落車

網址：按此