【親子遊】大草地踩單車 錦田鄉村俱樂部

新年除了拜年之外，行大運亦是一個必備節目，今年小米準備行一個超大大運。

今天一大早，便急急腳出發。滿足地睡醒一覺加上飽足的早餐，當然等於相約好友做運動啦，所以第一站便是錦田鄉村俱樂部。小米便急急腳，帶埋米仔向新界西出發。

可能很多家庭都已經去過錦田鄉村俱樂部，米仔今次都已經第三次去，無計，真係好玩嘛！既然咁多人去過，交通一定好方便，只要在港鐵錦上路站Ｄ出口轉乘綠色601號小巴，便可直達門口。

精力充沛的米仔，一到達便立即衝去找單車，不過這裡有很大很大的一片草地，踩單車真係特別開心。

踩到攰攰地，要食返幾粒燒賣頂下胃先。之後都係踩車，不過係電動嘅！

隻腳郁完輪到隻手，一於去同金魚玩下。雖然拿唔到都送3條帶走，不過我哋唔想整死尐金魚，所以拿完就放返佢哋落水，唔帶返屋企啦。

去得農莊，梗係要餵下羊仔，親親小動物嘛，咩~~

玩完一輪，好肚餓，摘返幾粒士多啤梨食下先！米仔個樣簡直同粒士多啤梨一樣咁甜（哈）。